World Cuba Viñales

nos vemos en los bares... cuando vuelva!

Viñales 26 Apr 2006

zom Gloeck chani guet schlofe em Bus... nach fast 14 Stond em Bus beni aendlech en Viñales acho... aber ech gloub es lohnt sech! Of jede Fall werdi do bliibe bes es zrogg of La Habana goht. Vo do us chamer alli Usfloeg mache woni mer vorgnoh ha.

D Natur bietet onheimlech vel, gester beni of de ersti Cayo seti en Cuba be, of Cayo Levisa, wow, das esch de Strand Nommer eis woni bes jetzt of Cuba gseh ha! (das saegi zwar jedes Mol...) Det beni no go schnorchle ond ha d Wegwerf-Kamera woder mer gschaenkt haend grad choenne bruche, mol luege ob die Foeteli oeppis waerdid.

Hoett machimer en easy Tag en Viñales ond gohne go d Mogotes belaufe (Baerge os Kalkgestein, wie be eus em Jura, eifach echli ander Forme). Easy Tag heisst i verbrenge de Tag met Internet, of d Bank goh, de Usflog vom Samstig organisiere ond de no echli go loufe... das esch zwar scho fast Stress, ha, ha!

Ond morn gohni nomol a Strand, of Maria la Gorda, das muess nomol es Paradies si. Schliesslech esch nach Kuba Schloss met Strandferie...